டெங்குக் காய்ச்சலின் அபாயம் எங்களை நோக்கி வேகமெடுக்கத் தொடங்கியுள்ளது. ஏற் கனவே யாழ்ப்பாணத்தை ஒரு கலக்குக் கலக் கிய டெங்குக் காய்ச்சலுக்குப் பச்சிளம் பாலகர்களைப் பலிகொடுத்த துயரம் மறப்பதற்குரிய தல்ல.

டெங்கின் அபாயம் உணர்ந்து அனைவரும் விழிப்படைந்து கொண்டமையும் மழை வீழ்ச்சி முற்றுப் பெற்றமையும் டெங்கின் தாக்கத்தைக் குறைத்தது எனலாம்.டெங்கின் தாக்கம் குறைவடைந்ததும் நாங் களும் சோர்வடைந்தோம். சுற்றுப் புறச் சூழல், வீட்டுச் சூழல் தொடர்பில் செலுத்திய கவனத்தைக் குறைத்தோம்.

இதன் விளைவாக மீண்டும் டெங்குக் காய்ச்சல் தனது கோரத் தாண்டவத்தை ஆரம்பித்துள்ளது. இந்த ஆரம்பத்திற்கு நட்டுவாங்கமாகவும், பக்கவாத்தியமாகவும் மழை காலம் இருப்பதால் டெங்கு நடத்தும் ஊழித் தாண்டவம் உக்கிரம் பெறும் என்பது உறுதி. அந்தத் தாண்டவத்தில் யாருடைய பெயர்கள் இடம்பெற்றிருக்கின்றனவோ அந்த ஆண்டவனுக்குத்தான் தெரியும். எங்களை நோக்கி எருமை வாகனத்தில் வருகின்ற டெங்குவை விரட்டியடிக்க, பொதுமக்கள் தயாராக வேண்டும்.

டெங்கைப் பரப்பும் நுளம்பின் உற்பத்தியை, பெருக்கத்தை முற்றாக ஒழித்துக் கட்டுவதற்குத் திடசங்கற்பம் பூண்டால் வருகின்ற மழை காலம் விவசாயம் விளைந்து மனம் மகிழ்கின்ற கால மாக மாறும். இதற்காக நாம் செய்ய வேண்டியதெல்லாம் மனச்சாட்சிப்படி நடப்பதாகும். எனது காணி, எனது நிலம் என்று மார்தட்டி உரிமை கொண்டாடுவது மட்டுமல்ல; அந்த இடத்தைத் தூய்மையாகவும், துப்புரவாகவும் வைத்து மற்றவர்களுக்கு இடைஞ்சல் இல்லாமல் இருக்க வேண்டும் என நினைக்க வேண்டும்.

வீதிகளில், வடிகால்களில், பொது இடங்க ளில் குப்பைகளைக் கொட்டுவது, கொள்கலன் களை, குடுவைகளை வீசுவது என்ற பொறுப் பற்ற செயல்கள் மனித உயிரைக்காவு கொள்ளக் காரணமாகி விடும். அது மிகப் பெரும் பாவம் என்று நினைக்க வேண்டும். அந்த நினைப்பில்தான் டெங்கு ஒழிப்பு நடவடிக்கை வெற்றி தரும். இதை விடுத்து நான் மட்டும் வாழ்ந்தால் போதும் என்ற எண்ணம் இருக்குமாயின், அது வே டெங்கின் உக்கிரத் தாண்டவத்திற்கு மேடை யாக இருக்கும்.

ஆகவே அன்பிற்குரிய மக்களே! வரப்போகும் டெங்கு அபாயத்தைத் தடுத்து நிறுத்தி எங்கள் பிள்ளைச் செல்வங்களைக் காப்பாற்ற வாருங் கள்.விரைந்து வாருங்கள். எழுந்து வாருங்கள்.