இலங்கைக்கு எதிராக ஐக்கிய நாடுகள் சபையில் கொண்டுவரப்படும் எந்தவொரு குற்றச்சாட்டையும் பெரும்பான்மை ஆதரவுடன் நிறைவேற்ற முடியாதென அரசாங்கம் உறுதிபடத் தெரிவித் துள்ளது.ஐக்கிய நாடுகள் சபையின் பொதுச் செயலாளர் நாயகம் பான் கீ மூன் ஐக்கிய நாடு கள் சபையின் சட்ட விதிகளை மீறுவதாக இலங்கை அரசாங்கம் குற்றஞ்சாட்டியுள்ளது.

இலங்கையில் இடம்பெற்றதாகத் தெரி விக்கப்படும் யுத்தக் குற்றச்சாட்டுக்கள் குறித்து அறிவுறுத்தல் வழங்க விசேட குழுவொன்றை பான் கீ மூன் நியமித்துள்ளார். இந்த நிலையிலேயே இலங்கை அரசாங் கத்தின் சிரேஷ்ட அமைச்சர் இந்தக் குற்றச் சாட்டை முன்வைத்தார்.

ஐக்கிய நாடுகள் சபையின் அங்கத்துவ நாடொன்றின் உள் விவகாரங்கள் தொடர்பில் ஆலோசனை பெறுவதற்காக ஐக்கிய நாடு கள் சபையை உருவாக்கியவர்கள் எதிர்பார் க்கவில்லை எனவும் இலங்கை அரசாங்கத் தின் சிரேஷ்ட அமைச்சர் கூறினார்.

இலங்கை சர்வதேச சட்டம் உள்நாட்டுச் சட்டம் ஆகியவற்றை மீறாத காரணத்தினால் எந்தவித ஆலோசனைக் குழுவையும் அமைக்கத் தேவையில்லை என பான் கீ மூனுடனான கடந்த 5ஆம் திகதி இடம் பெற்ற தொலை பேசி உரையாடலின் போது ஜனாதிபதி கூறியுள்ளார்.

நோர்வே , பிரிட்டன் போன்ற நாடுகளின் நீதிமன்றங்களில் யுத்தக் குற்றச்சாட்டுக்கள் தொடர்பில் இலங்கையை விசாரணைக்கு உட்படுத்த தமிழீழத்தை ஆரம்பிக்கும் சில சக்திகள் செயற்படுகின்றன.

வெள்ளைக் கொடியுடன் சரணடைந்த புலிகளை இராணுவம் சுட்டுக் கொன்றதாகப் பொன்சேகா கூறிய கூற்றுத்தான் இன்று இந்த மோசமான நிலைமைகளுக்குக் காரணமாகும். நாம் எந்தப் பிரச்சினைகளுக்கும் முகம் கொடுக்கத் தயாராகவுள்ளோம்.

ஐ.நா. மனித உரிமை கவுன்சிலில் இலங்கைக்கு எதிரான குற்றச்சாட்டைக் கொண்டு வரும்போது எமக்கு ஆதரவாக மூன்றில் இரண்டு பெரும் பான்மை வாக்குக் கிடைக்கும்.புலிகளுக்கு ஆதரவாகச் செயற்படுகின்ற ஒரு சில நாடுகளைத் தவிர ஏனைய நாடுகள் அரசாங்கத்திற்கு ஆதரவாகவே செயற்படுகின் றன. நாணய நிதியத்துடன் இருந்து கடனைப் பெறுவதற்கும் எமக்கு மூன்றில் இரண்டு பெரும்பான்மை கிடைக்கும் என்றார்.