பங்களாதேஷ் அணிக்கு எதிரான இரண் டாவது சர்வதேச ஒருநாள் போட்டியில் இங்கி லாந்து அணி இரண்டு விக்கெட்டுக்களினால் வெற்றியீட்டியது.

பங்களாதே´ன் மிர்பூரில் உள்ள பங்களா தேசிய மைதானத்தில் நேற்று முன்தினம் பகலிரவு ஆட்டமாக இந்தப் போட்டி நடை பெற்றது. நாணயச் சுழற்சியில் வெற்றியீட்டிய இங்கிலாந்து அணி முதலில் துடுப்பெடுத்தாடத் தீர்மானித்தது.

இதன்படி முதலில் களமிறங்கிய பங்களாதேஷ் அணி நிர்ணயிக்கப்பட்ட 50ஓவர்களில் 6விக்கெட்டுக்களை இழந்து 260 ஓட்டங்களைப் பெற்றுக் கொண்டது. இதில் முஸ்பிகுர் ரஹ்மான் 76ஓட்டங்களையும், இம்ருல் கயிஸ் 63ஓட்டங்களையும் பெற் றுக் கொண்டனர்.

பந்துவீச்சில் இங்கிலாந்து அணி யின் சார்பில் ரிம்பென்சன் மூன்று விக்கெட் டுக்களையும் கிரஹம் ஸ்வான் இரண்டு விக்கெட்டுக்களையும் வீழ்த்தினர்.

பதிலுக்கு 261ஓட்டங்கள் என்ற வெற்றி இலக்கை நோக்கித் துடுப்பெடுத்தாடிய இங்கி லாந்து அணி 48.5ஓவர்களில் எட்டு விக் கெட்டுக்களை இழந்து வெற்றி இலக்கை எட்டி யது.இங்கிலாந்து அணியின் முக்கிய வீரர்கள் பலர் சொற்ப ஓட்டங்களுக்கு ஆட்டமிழந்து சென்றதனால் தோல்வியடையக் கூடிய சூழ்நிலை ஏற்பட்டது.

எனினும் இயோன் மோர்கனின் அபார துடுப்பாட்டத் திறமையினால் இங்கிலாந்து வெற்றியீட்டியது.இங்கிலாந்து அணியின் சார்பில் துடுப்பாட்டத்தில் இயோன் மோர்கன் 104பந்துகளில் ஆட்டமிழக்காது 110ஓட்டங் களையும், அலிஸ்டயா குக் 60ஓட்டங்களையும் பெற்றுக் கொண்டனர்.

பந்துவீச்சில் அப்துர் ரசாக் மற்றும் சகிபுல் ஹசன் ஆகியோர் தலா மூன்று விக்கெட்டுக்களை வீழ்த்தினர். சிறந்த துடுப்பாட்டத் திறமையின் மூலம் அணியை வெற்றிப் பாதைக்கு இட்டுச் சென்ற இயோன் மோர்கன் போட்டியின் ஆட்டநாயக னாகத் தெரிவு செய்யப்பட்டார்.மூன்று போட்டிகளைக் கொண்ட ஒருநாள் போட்டித் தொடரில் 2:0 என்ற கணக்கில் இங்கிலாந்து அணி தொடரைத் தனதாக்கியது.